Фізхвілінкі

1.Дзве сяброўкі – дзве рукі Весела працуюць: Вяжуць, шыюць, ткуць, прадуць, Мыюць і прасуюць. Дзве сястрыцы – дзве рукі Гарады будуюць, Водзяць у рэйсы цягнікі, Граюць і друкуюць. Беляць столь, Мятуць падлогу, Асфальтуюць нам дарогу... Умеюць дошку габляваць, Чыста бульбу абабраць, Расчасаць галоўку, Зашпіліцца лоўка, І ляпіць, і маляваць, І ў сшытку літары пісаць.	2.Парсючок салодка  спаў, Рох – рох – рох. Ён прачнуўся і сказаў: Рох – рох – рох. Мне не трэба на зарадку, Рох – рох – рох. Лепш пайду парыю градку, Рох – рох – рох. Мыцца не цярплю я дужа, Рох – рох –рох. Лепш паплюхаюся ў лужы, Рох – рох- рох. Няхай дзеці пазайздросцяць, Рох – рох – рох. Запрашаю ўсіх у госці. Рох – рох – рох	3.Сонца спіць, неба спіць, Нават вецер не шуміць. Раннім ранкам сонца ўстала І прамені ўсім паслала. Павеяў раптам вецярок, Неба хмарай завалок. Дождж па даху грукаціць, У жалабок вада бяжыць. Сонейка зайшло за хмару, І не бачым яго твару.
4.Раз, два, тры, чатыры, пяць: Ясь грыбы ідзе шукаць. Там, дзе грыб трапляецца, Нізка нагінаецца. А грыбоў у лесе многа, Раз, два, тры, чатыры, пяць ─ Назбіраў іх ─не падняць!	5.Раз, два, тры, чатыры ─ Зайчык вушкі натапырыў. Ідзе з лесу воўк – воўк І зубамі шчоўк – шчоўк. Ты ж, ваўчына, пачакай! Як схаваемся ─ шукай!	6.Раз, два, тры, чатыры, Пяць, шэсць, сем, Восем, дзевяць, дзесяць. Выплывае белы месяц! Хто да месяца дойдзе, Той і хавацца пойдзе!

Прывітанні і фізкультхвілінкі

на ўроках беларускай мовы і літаратуры

Прывітанні

Вось ужо звінеў званок,

Запрасіў нас на ўрок.

Добры дзень, я вас вітаю,

Да заняткаў запрашаю.

Хай занятак будзе плённым (плодотворным),

І цікавым, і натхнёным (вдохновлённым).

Поспехаў я вам жадаю,

Калі што – я паспрыяю (поспособствую).

Добрае ранне сонцу і птушкам,                 Празвінеў ужо званок,

Добрае ранне сынкам і дачушкам!             Пачынаецца ўрок.

Добрае ранне ўсім добрым людзям.            Прапаную сябраваць

Шчыра вітацца мы ўсе не забудзем!           І ўсім разам працаваць.

Званочкам звонкім урок павітаўся.

Сядзем за парты. Занятак пачаўся!

Прачнуўшыся, сонейку ўсміхніся ласкава і лагодна.

Далонькі-промнікі крані, каб не было халодна.

І добрай раніцы яму ты пажадай хутчэй,

Каб на двары і на душы стала цяплей, святлей.

Матульцы рукі працягні і абдымі хутчэй.

За кожны дзень свайго жыцця душу яе сагрэй.

Ёй рання добрага жадай, пазбавіўшыся сноў,

І падары ёй назаўжды павагу і любоў.

Ты добрай раніцы скажы ўваходзячы ў клас,

Няхай сяброўства назаўжды паселіцца між вас.

Нікому ў свеце не знайсці лепш слоў, каб дзень пачаць.

Цудоўна на пачатку дня дабра ўсім пажадаць.

Ветлівыя словы па-беларуску

Добрай раніцы! – Доброе утро!

Добры дзень! – Добрый день!

Добры вечар! – Добрый вечер!

Дабранач! – Спокойной ночи!

Прывітанне! – Привет!

Да пабачэння! – До свидания!

Да сустрэчы! – До встречи!

Пакуль! – Пока!

Дзякуй! – Спасибо!

Калі ласка! – Пожалуйста!

Прабачце! Даруйце! – Извините!

Прашу прабачэння! – Прошу прощения!

Віншую! – Поздравляю!

Смачна есці! – Приятного аппетита!

Фізкультхвілінкі

Раз, два, тры, чатыры, пяць.

Раз, два, тры, чатыры, пяць

– Я не маю часу спаць

Ясь грыбы ідзе шукаць.

 Там, дзе грыб трапляецца,

Нізка нагінаецца.

А грыбоў у лесе многа

Пасля дожджыку грыбнога.

Раз, два, тры, чатыры, пяць…

Назбіраў іх – не падняць.

Ведаю спачатку – зраблю я зарадку.

Першае заданне – гэта прысяданне…

То сагнуся я ў дугу, то на месцы пабягу.

А пасля прыгожа

Засцілаю ложак.

Чышчу зубы, мыю вушы,

Пяць хвілін стаю пад душам.

Дожджык хвошча па спіне.

Дожджык слухае мяне.

Раз, два, тры, чатыры, пяць –

Тупаем нагамі.

Раз, два, тры, чатыры, пяць –

Пляскаем рукамі.

Раз, два, тры, чатыры, пяць –

Будзем нахіляцца.

Раз, два, тры, чатыры, пяць –

Сядзем зноў займацца.

Устаньце, дзеткі, усміхніцеся,

Зямлі нашай пакланіцеся

За шчаслівы дзень учарашні.

Усе да сонца пацягніцеся,

Улева, управа нахіліцеся,

Верацёнцам пакруціцеся.

Раз прысядзьце, два прысядзьце

І за парты ціха сядзьце.

Як толькі сонейка прачнецца, (устаць з-за парт)

За справы ўміг яно бярэцца! (кругі рукамі)

Разбудзіць сонных дзетак, (пацерці вочкі)

Сагрэе лес, палетак, (абняць сябе за плечы)

Дасць моцы ўсім, хто хворы, ( зрабіць рыўкі рукамі)

І падтрымае ў горы. (паціснуць адзін аднаму рукі)

Я вельмі прашу: "Сонца, (папляскаць у далоні)

Зірні ў наша аконца!”

Сонца шчыра ўсміхнулася. (кругавы рух рукамі)

Мы падняліся, апрануліся, (устаць)

На лыжню ўсе дружна сталі, (рухі лыжніка)

Хутчэй ветрыка памчалі!

Трапна ў цэль страляць мы будзем: (імітавць стрэльбу)

Ні хвілінкі не марудзім! (бег на месцы)

Скажам шчыра: "Мара наша –

Быць як Домрачава … Даша”. (папляскаць у далоні)